Баш байге автоунаа: Панфиловдо тоо этегиндеги айылда муундар арасында көк бөрү оюну уюштурулду

Чүй облусунун Панфилов районуна караштуу Кум- Арык айылында көк бөрү оюну өтүлүп, 1973 - жылы туулган жаштар автоунаа утуп алышты. Бул тууралуу жергиликтүү тургундар билдирди.

Кум- Арык айылы Орто- Кайыңды айыл аймагына караштуу тоо этегинде жайгашкан айылдардын " Тоо этегиндеги айылда муундар арасында көк-бөрү турнири болуп өтүлдү. Салтка айланган турнир 7 жылдан бери өтүлүп келет. Жалы байге фонду 500 миң сомду түзүп, айылдын тургундары тарабынан уюштурулган турнирге 18 команда катышты. 1- орунду 1993-жылы туулгандар утуп, автоунаага ээ болушту. 2-орун 2005-жылы төрөлгөндөр тай, 3-орун 1995-жылы төрөлгөндөр торпок, 4-орун 1987-жылы төрөлгөндөр кой, 5-орунду 2003-жылы төрөлгөндөр эчки, 6-орунду 1991-жылы төрөлгөн жаштар 100 АКШ доллары жана 7-орунду 50 жаштан жогорку курактагы Кум-Арык айылынын ардагер улакчылары багындырып, 5 миң сом берилди" - деди жергиликтүүлөр.