Ош облусунда жүк ташуучу унаа катышкан жол кырсык боюнча маалыматтар такталды. Бул тууралуу ӨКМдин басма сөз кызматы билдирди.
Такталган маалымат боюнча, Кара-Суу районунун Нариман айыл аймагынын Жаңы-Маала айылынын Касымбеков көчөсүндө «HOWO» үлгүсүндөгү көмүр жүктөгөн унаа жолдон чыгып, оодарылып 6 адамды басып калган. Кулаган унааны кран менен көтөргөндөн кийин 2 аял, 3 кичинекей кыз жана 1 ымыркай каза болгондугу аныкталды.