Кочкор районундагы Кош-Дөбө айыл өкмөтүндө караштуу алыскы Кара-Саз өрөөнүндөгү Жалак-Бел жайлоосуна 10 сантиметр калыңдыкта кар жаады.
Малчылар учурда Кош-Дөбө айыл аймагындагы эгин аянттары чабылып бүтүшүн күтүп жатышат. Жалак-Бел жайлоосу 3300 метр бийиктикте жайгашып, кышкысын малчылар кыштабайт. Кээ учурларда жайкысын кар жааган учурлар болот.
Белгилей кетсек, Кош-Дөбө айыл аймагында учурда сырттан үч комбайн алынып келинген. Азыр өздөрүнүн эки комбайны кошулуп, дан эгиндерин чабуу кызуу жүрүүдө. Ушул мезгилге чейин дан эгиндеринин 80 пайыздан ашыгы чабылып калды.