Улан Бусурманкулов Бишкек шаарынын Свердлов райондук мамлекеттик администрациясынын спорт бөлүмүндө иштейт. Ал Талас облусундагы Улуттук көчмөндөр оюндарына Чүй облусунун атынан касапчылык милдетти аркалаганы барды.
«1989-жылы Кара-Кужур өрөөнүнө барып, курулуш боюнча өндүрүштүк практикадан өткөнбүз. Ал жерден чабандардын сарайларынын курулуштарына катышканбыз. Ошондо кой сойгонду үйрөтүшкөн. Андан кийин жылкы сойгонду үйрөнгөнбүз. Мал союу — ата-бабаларыбыздан калган салт. Ар бир устукандын орду бар. Негизи касапчылык атаман, чоң атаман калган өнөр. Мен да кызыгып улантып келе жатам. Хоббим десем болот», - деди ал.
Үй-бүлөлүү, 3 баланын атасы.
