Нарын облусунун Ак-Талаа районунун Баетов айылындагы «Алтын муун-Наристе» бала бакчасына «Ак-Талаа биримдиги» коомдук бирикмесинин Москва шаарындагы мүчөлөрү тарабынан эмеректер тапшырылгандыгын аймактык кабарчы билдирди.
Маалым болгондой, бүгүн 19-сентябрь күнү аталган коомдук бирикме тарабынан 30 миң сомдук балдар жатуучу койкалар тапшырылып, тапшыруу аземине райондук бийликтин өкүлдөрү, ата-энелер жана коомдук бирикменин мүчөлөрү катышты.
Аземдин жүрүшүндө, ата-энелер тарабынан ыраазычылыктар айтылып, кичинекей бөбөктөрдүн чакан концерти тартууланды.